Oape Joabiks Frit Zoervleisj treffe
Historie vaan 't Oape Joabiks Frit Zoervleisjtreffe
Noa 2 sjlaagde edisies höbbe veer de cadans weer opgepak om ein 3de editie te organisere. Om de 9 jaor is 't fees in Joabik, en moage veer allemoal os eiges Zoervleisj resep weer verdedige.
Begonne es e gek idee van e paar man: luuj va Joabik en wied dao boete de kans geve um hun eige, beste en originele Zoervleisj resep in good gezelsjap te eate, en dat door ein vakjury te laote beoordele.
In 2008 hubbe veer mit ein gruupke de earpel van John Frijns same gesjild en in friet gesneje. De daag d'r noa woard 't terrein bie 't jeugdhonk ingerich en is begonne mit veurbakke. Toe om 18.00 oer de eesjte gaste aankwaome, weurte de letste friete nog veurgebakke. Wat e werk, mer wat waor 't gezellig in 't auwd jeugdhonk bie de voetbalclub.
In 2017 weurd de 2de editie op De Maar gehaoje in feesttènte. Dees kier höbbe veer de friete oetbesteed aan Frituur Proche, die ouch de earpel van John Frijns höbbe gesneje en veurgebakke. 't woar weer eine sjieke gezellige editie.
Op vriedig 4 september 2026 is de 3de editie van 't Oape Joabiks Frit Zoervleisjtreffe. Veer viere 't onder de tènt in de wei bie Brasserie De Maar. De friete kómme dit jaor van Sweet and Savoury, en neet te vergaete: de drank van de Brasserie en de beerkes vaan Brouwerij De Maar. De drankbonne weare dea oavend via de Brasserie verkoch
't Wurt zowiezoe eine sjoan weekend, want op 5 september is ouch de 2de Kal en Zeng Plant Middig.